காரட் இட்லி
தேவையான பொருட்கள்:
1. வெங்காயம் (நறுக்கியது) – 1/2 கப்
2. காரட் (துருவியது) – 1/2 கப்
3. கடுகு, உளுந்தம் பருப்பு – தாளிக்க
4. பச்சைக் கொத்தமல்லி – சிறிதளவு
5. உப்பு – தேவையான அளவு
6. மிளகாய் தூள் – 1/2 டீஸ்பூன்
7. கறிமசாலா தூள் – 1/2 டீஸ்பூன்
8. துருவிய சீஸ் – 1/4 கப்
9. எண்ணெய் – 2 டேபிள் ஸ்பூன்
10. இட்லி மாவு – தேவைக்கேற்ப
செய்முறை :
1. முதலில் வாணலியில் சிறிது எண்ணை விட்டு காய்ந்ததும் கடுகு உளுத்தம்பருப்பை தாளிக்கவும். தொடர்ந்து பொடியாக நறுக்கிய வெங்காயம், காரட் துருவல் சேர்த்து வதக்கவும்.
2. அத்துடன் மிளகாய் தூள், மசாலா தூள், துருவிய சீஸ் சேர்த்து பச்சைக் கொத்தமல்லி, உப்பு சேர்த்து மசாலா தயார் செய்து கொள்ளவும்.
3. இட்லி தட்டில் குழியில் சிறிது மாவை ஊற்றி அதன் மேல் சிறிதளவு மசாலா கலவையை போட்டு அதற்கு மேல் இன்னும் சிறிதளவு இட்லி மாவு ஊற்றவும்.
4. இப்படியே எல்லாக் குழிகளிலும் இட்லி மாவு வார்க்கவும்.
வேக வைத்து எடுத்தால், ருசியான காரட் இட்லி தயார்.
COMMENTS